Valentín González Formoso: “Vigo e Abel Caballero son o exemplo dese socialismo que suma para avanzar”

Valentín González Formoso mantivo hoxe un encontro coa militancia de Vigo, un acto no que foi presentado polo Secretario Xeral da agrupación da cidade olívica, Abel Losada, e no que reivindicou que “Vigo e Abel Caballero son un claro exemplo dese socialismo que suma para avanzar, que conecta coa sociedade”.

O candidato á Secretaría Xeral do PSdeG-PSOE, que insiste ao longo desta campaña en que “Galicia non é do PP”, afirmou que “Vigo é unha referencia neste sentido, en que é posible gañarlle ao PP sumando dentro para gañar fóra. O modelo de Abel Caballero é o dun PSdeG que sabe construír, que conecta coa sociedade, que sabe escoitala, entendela e atendela”.

Formoso destacou os 20 concelleiros e concelleiras dos 27 totais da corporación que obtivo Abel Caballero nas últimas eleccións municipais “que veñen a demostrar que, cando o partido fai a súa función principal, que é ser un instrumento ao servizo da sociedade, e cando hai unión e ilusión entre a militancia o PSOE é imparable”.

Valentín González Formoso explicou que “para os socialistas é moi importante, é un orgullo e unha honra, que a cidade máis poboada de Galicia sexa unha referencia nas políticas socialistas, tanto a nivel autonómico e tamén estatal” e aproveitou para poñer en valor a labor dos compañeiros e compañeiras que “no goberno ou na oposición dos 313 municipios de Galicia, manteñen viva a chama do socialismo”. “Somos os que escoitamos á xente, os que lles poñemos nome e cara. Facemos a política máis bonita e tamén a máis difícil que é a de estar a carón dos cidadáns”, argumentou.

“Este sábado temos que tomar unha decisión moi importante, se nos vale o modelo actual de conformismo e resignación ou se apostamos pola ilusión e a esperanza de construír un PSdeG máis forte, máis unido, que volva a conectar coa sociedade e que sexa unha alternativa real ao goberno de Feijoo”, subliñou.

At vero eos et accusamus et iusto odio digni goikussimos ducimus qui to bonfo blanditiis praese. Ntium voluum deleniti atque.

Melbourne, Australia
(Sat - Thursday)
(10am - 05 pm)